Letteratura Milanese |
||
|
Giovanni Barrella |
||
|
|
|
|
|
Testi
|
||
|
|
||
|
(Ritratt) Peveron ross, foghent, quasi paonazz, che 'l gotta quand fa frecc, 'me on
rubinett: bocca tajada drizza sott' a on mazz de
sedolasc tirent, a scovinett, fior
de barbîs bei negher, spongignon, che
paren spegasciaa cont el carbon. On coll de tor, con tant de pappagorgia che ghe dindonna a tutti i
moviment; on portament a la Lucrezia
Borgia, do spall rotond e on stomegh sfilaprent ch'el par de geladina ona
cascada, o'n piatt che se stravacca,
de cagiada. Vestii de palpignanna, a
quadretton, de tinta indefinida, col
scossaa con la saccoccia in mezz...
e a pendolon on mazz de ciav de tutt i qualitaa, ligaa fin su la zénta, con
cadenna, che ciocchen, su on gran
venter de balenna. Oeucc de foin, bei luster,
piscinitt, che paren pontaa dentr' in
de la faccia; oeucc malizios che sann...
oeucc questuritt, sempr' allarmaa, attent...
pien de minaccia; sguardo che toeu la voeuja
de rispond, ma che te ruga in l'anima,
giò in fond. Vos ingossada, bassa, de
grappatta, che quand la se inrabiss la
va in falsett, trenta cavej sul coo, cont
ona natta pientada in scima 'l crani,
per dispett, pès: on quintal e mezz,
senza la tara, donna ai so temp... adess
l'è portinara. La gh'ha on gatton sorian, ch'el par on pappa; on gatt che le sa longa...
on lazzaron, grass 'me on porscell e
sord come ona tappa, semper faa su a dormi o a
fa fron fron; on Crist d'on gatt, gesuitta e tant baloss, in torta cont i ratt, per
stà in riposs ! La sa i segrett de tucc i
inquilitt: la tal ? ... l'è mantegnuda
!!... El so marì le sa! ... ma 'l sara un
oeucc per via del fitt; del rest, hinn brava gent: gh'è nient de dì; lee, la va sempr' in gesa
e, per passion, lu 'l porta el moccolott anca
in fonzion! La macellara, invece de stà
'l banch, la stà trop in giazzera,
col garzon... e, intanta che'l mari l'
ghe pensa nanch, per preparà oss bûs...
mondà rognon... l'è intenta col so gioven,
la dis lee... a fà frollà la carna e i quart
dedree. La levatrice ?... Quella
del terz pian ?... Quella che stoffa !... A
l'e 'n via vaj de gent; la fitta a ôr... ghe passa
mezz Milan, tosann e maridaa ... omm
vecc, student, La jutta a fabricaj ...
speculazion per poeu fa de comaa in la gestazion
! Quell del quint pian che
sonna el contrebass, el dorma in de l'amacca...
per igiene. El paga minga 'l fitt,
perchè l'è a spass; ma 'l spetta ona scrittura
che non viene, el dice lui, perchè proprio
al momento, tiene in reparazione l'istromento. Se l'è 'l padron de cà,
salvo 'l rispett, l'è on antecrist, cattiv
come la pesta: vecc come l'è, ghe piâs
anmò i donnett, ch'el perd el coo, domà
s'el ved 'na vesta: de moeud che gh'è quajdun,
che a San Michee, Manda la donna, per sparmì
i danee... I bottegar: tucc lader,
imbrojoni ! se l'è 'l Dottor... 'na
bestia patentada; la gioventù ?... baloss,
tucc lazzaroni, senza timor de Dio ! Gent
depravada... I donn ?... Sgualdrinn !...
I omen ?... Capelon ! gelòs del franch in giò, a l'occasion
! E inscì la passa i dì… Do
ciaccerett, des zabettad !... On para de grappitt; 'na presa de tabacch; on
quintinett; ‘na lit per pian con tutt i
inquilitt; guerra giurada a tucc, de
prepotenza, pronta a menà anca i man, a
l'occorenza. Però, in de la giornada,
gh'è on moment che lee la se retira in del
gabbiott... E l'è dopo mangiaa. -
Devotament , cobbiada in la poltronna,
el foeugh de sott, con la colzetta in man, i
occiaj sul nas la schiscia 'l so sognett
in santa pâs ! Fronfronna el gatt... e lee
la ronfa anch lee: el fuma 'l foeugh de
sott... el manda odor. Taccada su in sul mur,
vesin al vestee, la pendola la viaggia a
marcà i or ! De sora i piscinitt su la
linghera tornen ai gioeugh... la
dorma la Megera. Ma nanca in del dormì va
nient perduu: che, se on quajdun el passa
dent per dent, gh'è 'l gatt che derva on
oeucc e lee tucc duu; poeu sti trii oeucc se
saren, lentament... e lì comincia dolza, in
compagnia del fronfronná e ronfà la
sinfonia ! |
|
|
|
Sont ona mamma, mì…sont ona mamma, son la mamma di gatt…che riden nò, Sont ona mamma, hoo ditt! Fèmm nò inrabì!… Chi sont?…Perché son chì?…Nò…dèmm a trà, Spettee che me ven in ment!…De piscininna Ma on dì…sentii se vorii rid!… On dì, Sont stada a l'ospedal sett mês de fila, Ma quand l'hoo sentii a moeuves denter chì, E mì, dònna de strada…e mì, pell gramma, Còssa hoo patii quij mês in de quell lett!… Faseva viaggià 'l coo…la fantasia! Mamma!…Mai pù la vitta de la strada, M'hann daa l'indormentinna, poeu a la fin… Ghe sont saltada al coll, come ona jenna! Con che diritto me l'avii mazzaa?… Canaja
d'on destin!… Mì, maledetta!… L'è
no 'n gattin quest chì…fegh on poo festa! Me
tegnen denter chì, sarada sù… |
||
|
|
||
|
|
||
